ՏԵՍԱՆՅՈՒԹ. ՀՔԾ-ն ազատվում է անցանկալիներից. կառույցը լուծարվում է

Հրատարակվել է հոկտեմբեր 18 2021, 14:31 armlur.am֊ի կողմից
ՏԵՍԱՆՅՈՒԹ. ՀՔԾ-ն ազատվում է անցանկալիներից. կառույցը լուծարվում է

ՀՔԾ պաշտոնյաները հայտնվել են փակուղու առաջ: Բանն այն է, որ ՀՔԾ ղեկավարներին ասում են ծառայությունը լուծարվել է եւ պետք է դիմում գրեք ազատվեք: Սակայն նկատենք, որ մի մասին ազատում են ասելով, թե կառույցը լուծարվել է, մյուս կողմից մի քանի օր առաջ Մուշեղ Բաբայանին նշանակեցին ՀՔԾ պետի տեղակալ: Ասել է, թե ՀՔԾ-ում ազատվում են իրենց ոչ ցանկալի կադրերից:

Հիշեցնենք, որ այսօր ՀՀ վարչապետ Նիկոլ Փաշինյանը որոշում էր ստորագրել Վլադիմիր Հովհաննիսյանին Հատուկ քննչական ծառայության պետի տեղակալի պաշտոնից ազատելու մասին:

«Ղեկավարվելով «Հատուկ քննչական ծառայության մասին» Հայաստանի Հանրապետության օրենքի 12-րդ հոդվածի 1-ին մասի 4-րդ կետով՝

1. Վլադիմիր Հովհաննիսյանին ազատել հատուկ քննչական ծառայության պետի տեղակալի պաշտոնից՝ հատուկ քննչական ծառայության լուծարման հիմքով:

2. Սույն որոշումն ուժի մեջ է մտնում «Հատուկ քննչական ծառայության մասին» Հայաստանի Հանրապետության 2007 թվականի նոյեմբերի 28-ի ՀՕ-255-Ն օրենքն ուժը կորցրած ճանաչելու օրվանից»,- ասված է վարչապետի որոշման մեջ:

Ք.Մ